Heilandzack, dr Weihnachstmarkt ischt scho wieder rom!

Koi oinziges Schneeflöckle hat mr gseha! Ond dr Glühwei wird au net so hois dronka wie er kocht wird, sagt der Herr Maile von der Tourischtik-GmbH. Ond über die Schtandgebühra hot sich au koiner beschwert. Älles in ällem, weihnachtlicher Friede ischt eingekehrt. Koi Spur mehr vom Glühwei-Kriag. Do send mir aber froh! Aber des onzigste wo i ganz sicher wois, isch, das der Glühwei net so hois gsoffa wird. I han oin probiert, i sag aber net an welchem Schtand, on der war lauwarm. Pfui Guckuck! Weinachta hin oder her, i bleib beim kalta Bier, Heilandzack!