Archiv der Kategorie: Heilandzack

Heilandzack a subber Aloislefescht wars….

der agv-59 zylinderaber drotzdem han ich was zom Maula. Do hend sich dia 67er so angschtrengt mit dem AGV-Liad ond sogar dazua danzt wia die Lomba am Stecka. Aber im Hendergrund hat oiner immer am Laudstäkeregler romgschpielt. Obacha sowas! Aber des war ja no goldig. Als dia Musical-Leid auftreta send, do hat au so ein Laie schtändig seine Griffel am Mischpult dranna keht. Wenn mr koi Ahnung hoat ond da drfo au no viel, dann muaß mr seine Griffel oifach weglassa. Des stchtändige net zum Takt passende Ein- ond Ausblenda von dr Musik war oifch bloß a Kataschtrof ond saumäßig nervig ond gacke! Heilandzack isch doch wohr!
dr webmoischter

Heilandzack! Gfroarane Briegel ond Wasserwecka!

der agv-59 zylinderWo send se bloß, dia guade alde Zeida wo dia Briegel warm ond ausa knuschprig ond inna woich waret? Heit send se lommelig ond inna tiefgfrora. Heit bleibt dr schonamol der Schneidezahn im gfrierta Stecka, wenn Pech hoscht. Aber dafür hat bald jeder Bäck mehr Preise ond Auszoichnunga wia Backwara im Sortiment. Ganz ehrlich, früher send se net so arg prämiert worda, dafür hoscht des Zeig aber Essa kenna. Also han i heit morga wieder mit denne Bäckersmädla gschimpft ond trotzdem höflich gfrogt ob es ausnahmsweise koin eiskalta Wasserwecka gibt. Worauf se gsagt hend: Mir kennat doch nix macha, mir kriagat des doch so angliefert. Heilandzack, des wois ich doch au!

Heilandzack! Feinstaub, Tunnel ond koin Filter!

Feinstaubmaske für die WetzgaürMeine güde des ischt doch a Bubastückle oder net? Gmend mutiert mit äller Gwalt zom Luftkurort, weil dia alde Stinkkärra koi Einfahrtplakette mehr kriagat. Gleichzeitig wird dr Tunnel baut mit dr modernschte Technologie zom heutige Schtand dr Technik. Älles guat ond schee, bloß die Technik gibt angeblich koin Filter für dia Tunnelabluft her. Sagt dr Herr Frieser. Also bloßt mer den Dreck halt dr Lindafirscht nauf. Pfeif auf des Weledakräutergärtle ond auf des Erholungswäldle. Dia Wetzgaür sollat halt d´ Goscha halta ond Feinstaubmaska aufsetza.

Heilandzack, a im lauwarma Wasser grillte Wurscht!

TJW beim Gmünder Faschingsumzug 2007Diese Jahr war i selber mal als Aktiver beim Faschingsumzug dabei, nadirlich guat verkleidet, des muß ja net jeder gwisst han. Bei der Vorbereitung zur Aufstellung schick i mein Jonga zom Wurschstand in dr Kathrinenstraß. Bringt der mir a “ Grill“ Wurscht mit, sowas hab i noch net gseha, geschweige denn gessa. Ausgseha hat se eh scho verdächtig, statt grillt war die im lauwarma Wasser eiglegt und gschmeckt hat die so Scheiße, das i se grad in Kuttereimer pfeffert han. Des hascht net fressa kenna ehrlich, i liag net. Dafür war der Wasserwecke einsame Spitze, frisch und subber! Tja was soll i saga ond nochher im Prediger, bei der Silbermännlepreisverleihung wars grad anderschtrom. Do war der warme Leberkäs wonderbar, bloß der Briegel war so altbacka ond zäh das des au net witzig war. I han an Verbesserungsvorschlag für nächstes Jahr. Legat die lauwarma Wasserwurscht en so an altbackana Briegel nei, dann hots wenigschtens a gleichmäßige Qualidät. Isch doch wohr, Heilandzack!

Heilandzack, Radio, Fernseh und TeVau

AGV-ZylinderGrad mach i sMaul zu und und mach no Spässla über dr Bresseauflauf ond onseren OB mit de Arbeitshandschua onder dem Johannisturm. Ond scho send se da. Fernseh und sogar Radio! Ond hend dr OB Leidig (ond dr Turm) hoffentlich guat end Szene gsetzt. I trau me´s kaum zom saga, i han wieder koi Bildle knipst. Dr Akku isch leer gwea. Wahrscheinlich hat mei Jonger wieder mit dr Digicam gschpielt. Heilandzack, i schlag em an d Löffel no!

Heilandzack, dr politisch korrekte Glühwei!

AGV-ZylinderAb heit isch Weihnachtsmarkt in Gmend. Jetzt han i denkt dr Arger wega denne Glühwei-Guatschei isch vorbei. Weil, die T&M GmbH jetzt älle Standbetreiber miteibezoga hat. Aber do han i falsch denkt! Dr Lions-Club sagt mit dem T&M Konzept gibt’s weder a Koschtadeckung noch an Ãœberschuss. Ond wia sollatse dann gemeinützige Spenda zsammabringa? Heilandzack, dr politisch korrekte Glühwei! weiterlesen

Heilandzack, den kensch doch!

AGV-ZylinderLauf i geschtern über dr Marktplatz ond denk mir nix. Stoat doa oiner em Anzug, Krawatt ond Bauarbeiterhandschua onderm Johannisturm ond duat so als ob er ebbes Schaffa dät. Denk i, Heilandzack den kensch doch! Also gang i do a bisle näher no ond seh au scho allerhand Bresse und Fotografa ohne Ende. Hot eigentlich bloß no Sat-Scheiß ond RTL-Doompfbacka gfehlt. I han nadirlich schnell mein Foto eipackt, den han i mitgnomma weil i en Straßdorf dr „Frühling“ fotografiert han. Also eipackt han i den, net auspackt. I han dann scho gseha das dr OB a Bromotion-Aktion für die Johannistrepp macht.
November in StraßdorfNovember in StraßdorfNovember in Straßdorf