Gründungsversammlung des AGV 1976

Do gugsch morgens in Zeidung nei ond denksch an nix böses.(Außer ans übliche)

Steht do, dr AGV 1976 hat heut sei Gründungsversammlung. Wenn die jonge an AGV gründet dann werdat mir scheints langsam alt. Des freid ons zwar für die 76er erinnert ons aber halt, wie schnell dia Zeit romgoat. Aber so schlimm ischts au wieder net, Deswega send mr ja em AGV. Geteiltes Leid, ischt halbes Leid!

Reschpekt au für dia guada Arbeit vom Dachverband, so stirbt die AGV-Tradition in Gmend garndiert net aus.

heit isch öffentliche sitzung vom gemeinderat in gmend.

zur abstimmung steht die vorlag von der haushaltsstrukturkommision, die 18 monat hinter verschlossene türa sparvorschläg erarbeitet hat. des isch so geheim das weder remszeidung, tagesposcht noch die stadträt a vorlag zur sitzung kriegt hend. so werdat heit middag bürger, presse und räte oifach überrompelt. es gibt au koi vorberatung, der oberbürgermoister will des heit middag durchpeitscha.
der heino schütte von der remszeitung hat des in seim kommentar heit genau richtig gsait.

des ischt auf daür tödlich für jede demokratische kultur.

wenn des jetzt dr neü stil ischt, dann guad nacht am sechse. i sag bloß, Spielplatz Bocksgass oder Seebaldsplatz. Heilandzack, gehts no?

die touristik und marketing gmbh schwäbisch gmend verdoilt an die gemender oinzelhändler zom weihnachstmarkt glühwei-gutschei, wo oiner 50 cent koschtet. dia händler wiederum verdoilet die gutschei umsonscht an ihre kunda. eigentlich net schlech,aber! Die guatschei könnet bloß bei oim bestimmte fressschtand eiglöst werda. jetzt isch des aber so, das viel vor allem ehraamtliche und gemeinützige Leid und vereine von glühweiverkauf leba missed. dia schtandmiete ischt ja net grad billig! 650 Euro em schnitt. also “bedanket” die sich jetzt für dia “dolla” idee. deswega wärs net schlecht wenn dann denne andere die miete extrem nochglassa wird? heilandzack, odder?

Heilandzack!
Dr Bürgermoister und seine Kumbel von der Stadtverwaltung lasset a mol kurz über nacht oifach dr Spielplatz an der Bocksgass verschwinda. Ganz Gmend regt sich zurecht auf ond etliche dausend proteschtonderschrifta send scho gsammelt worda. Aber wiea se halt so send, dia gebbat net noch. Ond jetz kommt der ganz dicke Hond! Der Spielplatz ghört gar net dr Stadt, der ghört dem Finanzamt und dem Land BaWü. Ond dia send net amol gfragt worda. Do hauts dr dochs Blech weg, Heilandzack odder?